തെറ്റുകൾ
പറയാൻ, തിരുത്താനുമായി-
ട്ടെന്തിനിത്ര
തെറ്റുകൾ ചെയ്യുന്നിതയ്യോ?
തെറ്റെന്നു
തെറ്റിപ്പിരിഞ്ഞുകൊണ്ടല്ലോ
തീറ്റിയടുക്കുന്നു
തെറ്റുകൾ കൂട്ടമായ്
ചാട്ടുളി
പോലെ ഉന്നം പിഴയ്ക്കാതെ
കാട്ടാളവേഷമെടുത്തു
പോർ വിളിയ്ക്കുന്നു
പെട്ടുപോയെങ്കിലും
ചെയ്യാതെ വയ്യ
മുട്ടുകാൽ
തല്ലിയൊടിയ്ക്കുന്നു തെറ്റുകൾ
വെട്ടിയും
കുത്തിയും തീർക്കുന്ന തെറ്റുകൾ
ശരിയായ്ച്ചമയുന്നു
വേട്ടക്കാരിൽ
തങ്ങളിൽത്തങ്ങളിൽ
പെരുകുന്ന തെറ്റുകൾ
അങ്ങനെത്തന്നെ
തിരുഞ്ഞു താൻ കൊത്തുന്നു
പക്ഷെ,
ഇനിയുള്ള കാലത്ത് തെറ്റെന്നത്
ഇങ്ങനെയൊക്കെ
തിരുത്തിയേയ്ക്കാം
വിശക്കുന്നത്
തെറ്റ്
ദാഹിയ്ക്കുന്നത്
തെറ്റ്
കരുണയിറ്റിയ്ക്കുന്നത്
തെറ്റ്
കാണുന്നത്
തെറ്റ്
കേൾക്കുന്നത്
തെറ്റ്
കൈ
കൂപ്പുന്നത് തെറ്റ്
നിവർന്നു
നില്ക്കുന്നത് തെറ്റ്
ചോദ്യമുയർത്തുന്നത്
തെറ്റ്
തിരുത്തുവാനോങ്ങുന്നത്
തെറ്റ്
ഇങ്ങനെ
ജീവിയ്ക്കുന്നതു തന്നെ തെറ്റ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ