പൊക്കമില്ലായ്മ മൂലം, പാപ്പരത്തം മൂത്ത്
പെരുത്ത
പാപ്പാഞ്ഞിയെയുണ്ടാക്കാം വര്‍ഷാവര്‍ഷം
പിന്നെ, പൊട്ടിത്തെറിയ്ക്കും വണ്ണം കത്തിച്ചു തിമിര്‍ക്കുക
വര്‍ഷാന്ത്യദിനത്തിന്‍
അന്ത്യയാമത്തില്‍ കൃത്യം
ഉന്മാദം
നിറച്ചെത്തും ദോഷരാവറുതിയില്‍
ആക്രോശിച്ചാര്‍ത്തലയ്ക്കും
ലഹരിപ്പരല്‍ക്കടലില്‍
പടരുന്ന
പന്തത്തിന്‍ തീച്ചൂടില്‍ എരിയുന്നു
പിന്നിട്ട
കൊല്ലത്തിന്‍ കെടുതികള്‍, പ്രതീക്ഷകള്‍
നാളെക്കലണ്ടറില്‍
പുതുവര്‍ഷത്തിന്നൊന്നാംദിനം
നീളെത്തുടങ്ങാം
പുത്തന്‍ പാപ്പാത്തിയെയൊരുക്കുവാന്‍
നാളോരോദിനവും
ശോഷകര്‍മ്മങ്ങള്‍ കൂട്ടിയൊരുക്കിടാം
നാളം
കൊളുത്താന്‍, എരിയാന്‍ പ്രാക്‍രൂപമൊന്നു
വേണ്ടേ?
ചേട്ടയേപ്പുറത്താക്കി
ചൂല്‍ കഴുകിയെന്നാലും
ശ്രീയെ
കുടിയിരുത്തി ആചരിച്ചെന്നാലും
കോലം
ചമച്ച് തീ കൂട്ടി വൃദ്ധനെയെരിച്ചാലും
ഒടുങ്ങുമോ
മനുഷ്യന്റെ പാപതൃഷ്ണകള്‍, മുഷ്ക്കും?
എന്നിരുന്നാലും, പ്രത്യാശ നല്കുക പുതു വര്‍ഷമേ
പ്രതീക്ഷ
തന്‍ പൊന്‍നാളം കൊളുത്തുക
രാശി
നോക്കാതെ രാപ്പാര്‍ക്കാനാകട്ടെ ആര്‍ക്കും
മേശമേല്‍
പാപ്പാഞ്ഞി പതുങ്ങിക്കിടക്കട്ടെ, ചിരിയ്ക്കട്ടെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ